WIE IS WANDA DE KOCK-BAM?

Wanda is reeds van jongs af betrokke by musiek en wen reeds op 7 jarige ouderdom 'n landswye talentkompetisie. Sy sing daarna in Verskeie Provinsiale Kore gedurende haar skoolloopbaan.

Sy neem deel aan verskeie kompetisies en haal die semi-finale rondtes in Debuut en Crescendo.

Sy tree verskeie kere in die Staatsteater op by Musiekproduksies saam met Jannie du Toit, Laurika Rauch, Christa Steyn ea. Sy was ook betrokke by verskeie musiek verhoog produksies soos "Gansdans" in 1986. In 1988 neem sy deel aan die plaatopname van die Voortrekkers by name "Voorinniekoor".

In 1992 ervaar sy die roeping om voltyds in 'n sang bediening te gaan. Hierna volg die haar eerste CD opname getiteld, "U laat my leef". Sy onderneem verskeie toere saam met Manuel Escorcio, Oscar Ehrensperger, Jan de Wet, Piet Smit ea. Sy toer ook saam met verskeie Internasionale Kunstenaars waaronder Don Francisco en Steve Green. Sy tree op in Switzerland, Israel, Holland, Dubai en, België.

Toekennings en Produksies:
1996 ATKV Liertoekenning vir die produksie "Nuutgemaak" Kategorie - Mees uitnemende Afrikaanse geestelike musiekproduksie deur 'n vroulike kunstenaar.

2000 ATKV Liertoekenning in dieselfde kategorie met die produksie "Ek sal wag"

2000 Finalis vir die SAMA (South African Music Association.) by Sun City.

2000 CBSA toekenning as beste gospel sangeres aangewys.
Sy doen sedert 1996 ook kinderbediening en voltooi 3 produksies in hierdie veld: WIX (Wenners in X'tus)I, II asook Bybelstories.

Sy tree op by die KKNK met die produksies "Sluier by die Poort" 1999 en "A Closer Walk" 2001 asook verskeie kere by die Gloriafees.

In 2004 skryf sy die Heelvrou konsep en word dit met groot vrug, landswyd aangebied. Soli Deo Gloria-Aan God alleen die eer!

2006 NUWE CD - Sy stel na 5 jaar weer 'n nuwe cd vry! - "Aanbiddingsbelewenis met NG Gemeente Moreleta", waar sy ook as een van die aanbiddingsleiers in die gemeente dien.

Sy tree ook op as landswye spreker, gaskunstenaar vir gehore vanaf kleuters tot bejaardes. Sy bied dan ook HEELvrou seminare vir vroue aan, asook HEELvrou - Enkellopende seminare. Lof- en aanbiddings seminare word ook vir gemeentes aangebied. Sy is veldaanbieder vir In Pas, Televisieprogram vir KYKnet asook aanbieder op die Damesjoernaal Program, IN DIE SPIEEL op Radio Kansel. Sy bied ook tans die program Kyk Nuut van NG Moreleta op Rhema TV, aan. Sy doen ook gereeld skryfwerk vir Carpe Diem, en tree ook landswyd as spreker vir Dogters by Hoër- en Laerskole op.

In 2007 speel sy die rol van Anna in Houtkruis die Musical, opgevoer in die Staatsteater en later landswyd.

Sy stel twee boeke vry, "Gesprekke tussen ma en dogter" - 2007 en "Hoor wat ek sê - Luister as ek praat", in 2008, uitgegee deur Carpe Diem.

In 2009 stel sy 'n solo cd vry by Merchant Gospel... "watch the space…!"

Sy het twee dogters, Melissa 21jr en Melinda 19jr. Hulle is haar hart se punt! Hulle tree ook saam met haar op dmv sang en danse.

Haar totale lewensmotivering is om presies in God se tydsbepaling die maksimum uit elke oomblik vas te gryp en bewustelik te leef uit dankbaarheid.

Haar bediening is geskoei op dit wat Ps 45:18 sê: "Mag deur my lied, die roem van U naam oor geslagte strek, sodat nasies U vir altyd sal prys!"

Vir besprekings en navrae >>