|
AANGEBIED
DEUR: Melissa, Wanda & Melinda
‘n
Spanpoging
tussen my en die twee meisiekinders (Melissa en Melinda se betrokkenheid
onderhewig aan beskikbaarheid) Ons wil graag ’n klein bydraetjie maak in die
beter verstaan van menswees en die brugbou tussen ma’s en dogter’s wat
mekaar net eenvoudig bly mis, want sien, van misvat, en mispraat en opmaak
en opwees teenoor en vir mekaar, kan ons in overdaad getuig!
Juis daarom, leer ons julle nie juis iets nuuts nie, laat ons julle
nie ’n nuwe formule ontdek nie, bly die aarde rond en sou ons wou vlieg
sonder vlerke, land ons hard oppie grond!
Soms
word mense in die flieks 80jr oud om te ontdek hulle het geen verhouding
met mekaar gehad nie. Dit mag en die sal nie!
Mamma’s
- Verhoudinge is werk en pret vermeng tot ’n heerlike resultaat van
oudag-lekker-lag! Jou nalatenskap is iets waaraan jy ’n leeftyd bou
totdat jy jou laaste asem uitblaas!
Dus, is dit te laat?
Is hier reeds te veel skade?
Is die kloof reeds te groot tussen julle?....
NOOIT
AS TE NIMMER! Skep moed, spring aan die werk, kom op jou knieë, leer
fluit, lag hardop en “chill” ’n bietjie.
Geniet wat die oomblik bied.
Moenie kamp toe kom, en dink hemel ons, hulle laat dit klink asof
kinders grootmaak speletjies is, nie!
Glo my, dis dit allermins.
Dis ’n Godopgelegte, enorm verantwoordelike, emosioneel
uitputtende, soms sieldodende maar beslis ...... ’N OPWINDENDE
GROEIPAD !
Mag
elke gesprek met jou beautiful dogter of kleindogter, julle telkens
uitbring by die waarheid nl. dat Jesus Christus die groot Geneesheer is
van alle seer!
ONDERWERPE word oor gesels soos – Buitemuurse aktiwiteite; Kleredrag; Tatoeering; Grimering;
Vriende;
Sakgeld;
Musiek;
Pornografie,
Leuens,
Egskeiding; Seksualiteit; Selfbeeld;
Konflikhantering; Selfmoord, Dissipline; Vergifnis;
Leierskap; Grense en Respek; Hertroue, Tegnologie;
Eetdistorsies;
Prioriteite; Taalgebruik; Unieke styl ens.
Vanaf
Vrydagaand 19h00 tot Saterdagmiddag 17h00 (Sluit af met kuier en
kersligaandete opsioneel)
<TERUG |
